القاهرة 01 اغسطس 2017 الساعة 09:44 ص
من صغرى باحب الجغرافيا
من أيام رجليه ما كانت
ممدودة بعرض الريح
ولآخر خط احمر
كان راسمينه جدودى
فى خريطة الدنيا
كنت بانام فى الشام
على صوت المغنى الحلبى
واصحى من الفجرية
اتوضى من مية دجلة
واصلى الفجر ف بيت المقدس
وارتاح على أسوار بابل فى العصرية
واسهر للصبح اصطاد من طبرية
لما اتعب اخد السمك
اللى اصطادته من صنافيروتيران
عشان اشويه فى بعلبك
كان كل اللى يعدوا عليه وراجعين م الحج
يقعدوا علشان يتغدوا معايا
كان دايما على ضهرى
قربة ميه ماليها من النيل