القاهرة 06 مايو 2025 الساعة 10:47 ص
 

شعر: محمد علي حسن

إفهم بقى

الحاجة مش أُم اختراعك

و لا يجي شيء إلا بدراعك

و لا يبقى شيء من غير وجع

و لا روح تعيش إلا بعَشَم

و لا قلب مات إلا بجروح

و لا وعد هان إلا لبَجَم

إفهم بقى

إن الحياة مش خَبط لزق

إنك تهون مش وجه حق

و ان اللي كان جواك زمان

خليه وَشَم في القلب دَق

يا هل ترى الصعب هان

و لا الحياة والدنيا دور

كل اللي كان لك حُب كان

إلا القَمَر داير يدور

فِضلت حياتك شِق جِدر

وفضِلت مرمي في الجحور 

مكسوف تقول لو نبض حِبر

مكسوف تعيش لو جَبر نور

و النور ضلام للِّي انهدَم

عايش نَفَس لكن في حيط

كام مرة لازم تِتهِزِم

و يقولوا (سيبك م العبيط )