|
القاهرة 09 اغسطس 2022 الساعة 08:39 ص
كلمات: يحيي ابراهيم محمد
ياخاطب البنت شوف الأم قبليها
العرق دساس ما تعرف إيه اللي بعديها
الأم لو صالحه صلاح للبنت يعديها
الأم لو شين ولا كل الدنيا تكفيها
قالوا زمان القدره لو ع الفم تقلبها
تلقي البنت زي الأم تتبعها خطاويها
ياللي تريد الجمال جمال الروح يكفيها
معاك تشيل أحمال وعيش وملح كافيها
ياخاطب البنت شوف الأم قبليها
العرق دساس وأصل البنت يحميها
الأم لو صالحة تزين الدنيا بما فيها
والبنت لو طالحة تغور الدنيا ياواد بيها
والأرض لو بور حرام ترمي بذرتك فيها
الأرض لو مالحة ولا نيل مصر يرويها
والكلمة لو جارحة ليه ينطق لسان بيها
فيه بنات تدخل بيوت تخلي واطيها عاليها
وبنات تخرب بيوت تخلي عاليها واطيها
اقرأ كتاب الحكم شوف ايه انكتب فيها
العرق دساس..
فكون حساس تفوز وتعيش أمير فيها
ياخاطب البنت شوف الأم قبليها.
|