القاهرة 25 يناير 2020 الساعة 12:31 ص
كتبت: إنجي عبد المنعم
أصدرت دار "دون" للنشر ديوان جديد بعنوان "نحن والقمر" للشاعر عبد الحميد دياب وهو يشمل مجموعة اشعار كتبت على مدار أكثر من 60 عاما شملت تأريخا شخصيا وعاما.
عبد الحميد دياب هو شاعر وطبيب وهو والد المخرجين والمؤلفين محمد وخالد وشيرين دياب، وسيقوم دياب بتوقيع ديوانه في الخامسة من مساء يوم الاحد القادم بجناح "دون" في معرض الكتاب.
وكان محمد دياب نجل المؤلف قد كتب عبر صفحته على موقع التواصل الاجتماعي الفيس بوك قائلا " فيه تفسير بسيط ان احنا التلاته طلعنا مؤلفين ومخرجين وعندنا شغف بكل أشكال الفنون … اننا اولاد عبد الحميد دياب. بابا هو الفنان الأصلي في العيلة … الرسام والشاعر والمؤلف … والدكتور. في زمن آخر وظروف تانية بابا كان هيختار يبقي شاعر وبس، انما كالعادة ظروف الحياة مش بتخلي معظم الناس تاخد الاختيارات اللي حابينها".
محدش فينا احنا التلاتة اتخرج من كلية فنية بس لما واحد ورا واحد فينا قرر يسيب شغله اللي درسه عشان نجري ورا شغفنا كان بابا في ضهرنا وساعد انه يخلق ظروف تخلينا نقدر نحقق احلامنا اللي هو مقدرش يحققها... الكتاب ده حلم مؤجل من سنين، أشعار مكتوبة على روشتات وورق مناديل وفواتير وتذاكر مترو، وورق جرايد فيها اللي اتكتب وبابا في الكلية وعلى الجبهة في 73 وفيها اللي اتكتب من شهر، فيها اللي عن مصر وسوريا وفلسطين والعراق والسودان. مفيش هديه شوفنا اننا نقدمها لبابا احلي من اننا نجمع اللي كتبه ونشاركه مع الناس عشان يتعرفوا على الإنسان العظيم اللي هو أبونا".