القاهرة 30 اكتوبر 2018 الساعة 11:21 ص
فارس القرشي
سمعا وطاعة
قالوا عليك السمع والطاعه دين واجب
ولعت أيدي شمع وبرضه مش عاجب
بشر وليها حظوظ ونصيبي ليه محجوز
أنا شاب شكله عجوز حاضر لكن غايب ؟!
إنسان قزاز ؟!
.
أنا مش حقيقه مطلقة أنا المجاز
أنا دنيا ضلمه مشبكه أصوت نشاز
أنا أبقي مين وجع وملضوم بالأنين !
تمثال حجر ولابشر
بقي كل إحساسه قزاز ؟!
لو كان قليل الأصل
هيقوم بإحباطي
مشوني فوق النصل
لاهخاف ولا اطاطي
وأبويا قالي ياابني
جدك معلمني
لا اخد دوا من ندل
ولا اصاحب الواطي !؟
كتكوت خرج للحياه سقف
و قال بكره هابقي زعيم الديوك
صرخت أمه و قالت بكرة تتكتف
علي سفرة فخمة و البشر ياكلوك !!
منديل ورق
?? ????
منديل ورق ممكن يكون طوق النجاه
لما العرق يبلل الروح والجباه
حاجات بسيطة بتنجدك وقت الألم
وحاجات بسيطة تخرجك بره الحياه !؟