القاهرة 27 فبراير 2017 الساعة 01:44 م
ابكي انتي --
بأصعب دموع
في غيابي ابقي اتعذبي بيا--
وابقي اكسري أصلب شموع
غيابي أرحم من لقاكي--بالعذاب
لو التقينا --تضحك قلوبنا وتخضر الدنيا زروع
اتعذبي
ونهنهي أيوه بدموعك دم
وشيلي الوجع والهم
عاوزك تحسي بالألم
عاوز يهزك ألم شوق السنين
ابقي موتي فيا حنين--
كنت يوم--
عاوزك حياة --
لأ مش عاوزك ندم--
اندم عليه لو اتلاقينا--
مرة واحدة في الزمن
راح الزمن جوة الزمن
لقيت ما حدش يؤتمن
الوقت سارقني وارتضيت
فقدت الحياة --بقيت عدم
اتعذبي بعد مني بالأنين
انتي فين دلوقتي قولي--
وانتي مين
عمرك ما كنتي يوم صباح
للمقهورين
رافت رشوان
27-2-2017